time to say goodbye...

das esch mis noie feriehuesli. esch sones schnaeppli gsi, ha eifach muesse zueschloh.

8 mil. bar ufd chralle.:)

heimatgfuehl im global village...

match schwiiz-tschechie

ufem weg vode koala id schuel............................;)

das esch uesi klass...


die letschte stonde met uesem 'pig'...

min homestay, mol vo desere siite...

another crazy thursday...

g'day!

ja langsam aber secher goht mis australie-abentuerli scho gaege s endi zue... i ca. drueehalb woche beni onterwegs rechtig back home. ide schuel semmer flissig am vorbereite foer uesi pruefig...sesch feng echli langwilig, mer moechid fasch nome no so uebigstest. emmer weder oeppe s gliche... be froh wenn die cheibe pruefig dore esch. denn hani no paar wenigi taegli woni no chan relaxe besi heigang:)

am letschte donschtig semmer traditionsgemaess wedermol ide koala bar gsi. wo au soescht??;) (met em vorsatz emol ned zlang bliibe ond soo....) hm jaeh...schlossendli beni denn oeppe am vieri am morge is bett troolet...:) en japaner hed de letscht obig in noosa 'begosse' ond hed mer anduurend weder es getraenk vor d nase gstellt. ja aber es esch en sehr amuesante obig gsi. nome am friitig morge hani denn schuech muesse liide ide schuel. d lehreri hed diversi woerter ad tafele gschrebe wo schwer zum usspreche send ond ech han 'anonymous' muesse saege. hehe...s einzig woni usebrocht han esch 'an...anonon...ann...eehhh...anonoou' gsi. ond d lehreri meint no so...'i think martina is still drunk hihi' esch de oeppe gar ned fair gsi! :)am gliiche tag hani mi de no ufe weg gmacht nach surfers paradise zum d rach bsueche wo dete studiert. dete esch das crazy weekend grad wiitergange...am friitig en student party bi ere dihei, am samschtig anes barbeque ond am sonntig i sones pub am river wo live musig gha hed. esch recht ahstrengend gsi, vier taeg nochenand party... aber has gnosse!
defoer nemis ez die woche emol recht gmuetlech ond gnuesses am obig met de family vor de glotze z hoeckle ond so quatsch wie big brother australia inezzieh.:)
am samschtig verloht ues min gastbrother de sam, er goht foer 6 woche uf england ond oesterrich met sim liechtathletik team. by the way er esch eine vo de beste sprinter i sim alter vo ganz australie. voll die rakete :) mis gastmami begleitet ehn de no uf melbourne (vo det wo er abfluegt), ond blibt grad paar taeg detet. d.h. mer send foer paar taegli nome z drette... de graham (gastpapi), de corey (gastbrotherli), de stanley (schlange), de saxon (hund), ond turtle (scheldchroetli). hehe ;) aber mach mer voll kei sorge weg dem, de gastvater heds voll im greff metem hushalt. choche, potze, waesche usw...

fraser island pics

lake birrabeen



maheno schiffswrak











fraser island bestoht zu 98% us sand & esch die groest sandinsle uf de welt


beach house...uesi onterkonft

byron bay pics

byron bay... the most easterly point of Australia

surf time

schwup ond scho esch weder friiiday!!:)
hoet am nomi beni met zwe maedels ide surflesson gsi! uiuiuiiiiii.... womer dete ahtrabet send heds grad gheisse mer selled ues es board ond sones beginner-surf-oberteil schnappe. de hemmer mol paar trocheuebige im sand gmacht ond scho gli eschs ab is wasser gange. d welle send hoet ned eso gross gsi, aber esch glaubs au besser eso gsi. :D
huch am afang eschs aso meh en salzwasser-all-inclusive-koerperdurchspuelig gsi als oeppis anders!! hehe
hoet esch no segle en activity gsi vode schuel ond die send grad nebedra gsi... also sozsaege di halb schuel wo ues bide erschte surfversuech zuegluegt hed. de eint oder ander hed sech recht is fueschtli glachet. mer hend doch eis gegeibsche abgloh wens ues abegschwartet hed. :D
ja uf jede fall heds denn nach oeppe 10 versuech oder eso emol afo klappe ond ab denn hani zemli jedi welle gstande. hed emmer meh afo fun mache..:) hehe mer send nachher rechtig ufdruellt gsi vor luuter froid.
jaejo daenke das werd ned s letschte mol gsi si woni uf dem wasserbraettli gtande be.;)

cheers!

uf entdeckigsreisli in byron bay ond fraser island =)

hi guys...
so han daenkt ech geb mol weder es lebeszeiche vo mer. chome letscht ziit no chuum dezue es mail z beantworte...cheibe stress emmer... eis reisli nachem andere. ;)
aalsoo...ja wa hani so trebe die letsche zwe drue woche... huch...
ben vor ca. 2 woche in byron bay gsi...dasch es mega herzigs kaeffli ade koeste, zoberscht vo new south wales, zudem esches de oestlechst ponkt vo australie. s laebe ond d luet dete send eifach sooeppis vo easy...aber scho fasch echli zheftig...kes wonder dass es au as kifferdorf bezeichnet werd. am eint oder andere egge hend ues so paar zroggblebnigi luet aquatscht oeb mer en "space cigarette" heged foer sii. jo klar doch, fuer ech emmer met mer im handtaeschli!;) wie au emmer...es esch es mega schoens flaekli wo sech uf jeede fall foer en trip glohnt hed. mer hend eifach 4 verchillti taegli inere easy peacy welt ohni sorge gnosse. chli go bruzzle am strand, es spaziergaengli zum luechttorm ond dete de sonneontergang luege, am obig oeppe eis go neh...ond last but not least am letschte tag no gschnell ca. 4000 meter oeber em bode usem flugi jumpe ond en eifach hammermaessig schoeni ussecht bi perlewetter ufd koeste gnuesse. adrenalin-schueb pur!!:) wuah sesch eifach onbeschriblech gsi...de besch det i dem flugi...a somene skydive-expert-typ ahgmacht...denn duends d toere uf sobald d hoechi erreicht esch...hesch no paar sekonde ziit zom useguegsle...ond schwup flatterisch met desem do a dim roegge ahgmacht durab...:D 70 sekonde freie fall! aber sesch mer niemols solang vorcho. noch dere ziit duet denn de jumpexpert de fallschirm uf ond denn faetzt mer no ca. 5 minute met dem ide loft umenand. wuah es esch eifach bombe gsi. waer am liebschte grad nomol gange. aber leider esch das ganze halt chli en tuere gspass...
jo ebe da waer mis onbeschwerte verlaengerete weekend in byron bay gsi... eifach suuuhuper gsi :)
totkaputt nach ca. 8 stonde zroggreis semmer de am maendig obig weder in noosa acho. (hend ein schueltag muesse schwaenze aber jaeno) :D ja de semmer no gschnell vier taeg id schuel ond scho eschs ufs noechschte tripli losgange! drue tag fraser island, die groescht sandinsle uf de welt.
ahh nei stop..moment...! :D am letschte mettwoch semmer met uesere klass am emundi market gsi, esch meh oder weniger sooeppis wie de maert in luino ond so. eifach heds meh sache wo self-made send...ond unikat. huch do hed sech jo scho es englischs wort i mim wortschatz ihgschleche, hihi! uesi ufgab a dem maert esch gsi, en standhalter oeber sis produkt z interviewe ond am noechschte tag oeber das en vortrag mache ide schuel. jaejo mer hend ues notuerli oeppis typisch australischs welle ussueche ond send denn bimne digeridoo stand hange blobe. de verchaeufer det esch mega helfsbereit gsi ond hed sech grad ziit gno zom ues usfuerlech oeber "dig's" z informiere. sesch woerkli mega spannend gsi...ha zom bispel ned gwoesst dass digeridoos rein natuerlech entstoend. aso d loecher im holz werded vo termite usegfraesse. ond s "mondstock" bestoht us bienewachs. has de notuerli ned choenne loh emol uf dem teil z spele....:) s mondstock esch zwar divers vell groesser als da vom cornet ;) aber han emu es akzeptabels toendli usebrocht. de typ hed emu voll s froideli dra gha...:) ja dasch woerkli no es cool erlaebnis gsi.
ebe... am weekend semmer de schwup ab die poscht uf fraser island. esch wedermol s schoenschte wetter gsi. hettets ned besser choenne breiche. fraser island esch so ca. 1 stond vo noosa entfernt. mer fahrt met sonere faehre e paar minueteli vom feschtland det oebere. s get zwe moeglechkeite, entweder machtmer self-drive oder goht i sonere groppe wo gfuehrt werd vomene guide. mer hend ues foer de trip met eme guide entschlosse, wel de chan eim jo au no einiges intressants oeber d insle verzapfe. jo, am samschtig morge semmer denn vo somene chillige australier, aso uese guide, met sim 'safari bus' wo foer ca 20 luet platz hed, abgholt worde. i uesere troppe send no paar schwiizer gsi, aber nome settig vo froossee gredt hend.;)
ja de hemmer ues mol ufe weg gmacht rechti fraser...send woerkli dor wald ond wiese gfahre ond hed no wildi kaengurus gseh! uf fraser acho...semmer zersch mol zum beachhouse gfahre, det womer oebernachtet hend. uf dere insle chamer eifach kilometerwiis metem auto am strand entland faetze, get glaubs kei tempobeschrenkig..... mer send emu no raech rasant onderwegs gsi! de heds notuerli au no oeppe die eint oder ander bodewelle im sand ond hui scho werds en raecht holprigi sach! aber mega spassig!;) am erschte tag semmer am lake berabeen oder wie au emmer de gheisse hed...gsi. en meega klare ond suubere see, s wasser wiemers oeppe kennt vo bilder vode maledive!! nachher hemmer no en sogenannte 'bush walk' gmacht, zmezt doer de raegewald. am noechschte tag semmer weder entlang de koeste omecruiset, send uf sonen 'rock' gchlaetteret, ond hend es schiffwrak bestuunt. nachher am letschte tag semmer nomal a sonen lake gange, de esch noemme eso klar gsi, defoer escher zmezt ide 'wuesti' gsi. woerkli rondome nome sand ond no paar baeumli.... esch ez no schwer sech dodevo es beld zmache. esch schuufle denn e paar pics i blog ine wenni s noechscht mol im internet cafi ben!...
uiuiuiui tschiises ez hani do scho en recht bombastische text zaemechrezlet. ech glaub da duets foer hoet, ok?;)
oebrigens danke no foer die vele mails, han emmer froid paar news vo dehei z ghoere!:)
sodeli, ech muess ez de scho gli ufs buesli. ez esch halbi saechsi ond dosse eschs leider scho stockdonkel...be ues gohts jo jez ufe winter zue. ide nacht eschs aso scho recht chuel. aber am tag eschs bis jez no schoen ahgnehm!
also, fertig gschwaflet ech haus jez! :)

liebi gruessli,
cu in 5 weeks and 6 days... :)

noosa national park

sooo schoen esch noosa...;)
meh foeteli vom national park s noechscht mol...muess jez es huus wiiter!

take care
lg martina

g'day switzerland!

good morning! ech ben grad ufgchroeglet...aber woni usem faenschter gluegt han heds mi grad agschesse. es pisst grad abe... ond ech han hoet welle go surfe....werd oeppe nuet :( die letschte paar taeg meints d sonja ned eso guet met ues. hoffe sie hed noechscht woche de weder echli besser luune, wel mer hend vor uf fraser island z go foer drue taeg. am noechschte friitig esch ebe anzac day, d.h. mer hend es laaangs weekend.:)

am letschte weekend beni met ere kollegin in brisbane gsi. esch no en cooli stadt zom shoppe ond foer in usgang. ond river heds mega schoeni gmuetlechi plaetzli...trotzem...mer waers vell z hektisch zom dete laebe...gfallt mer also das easy peacy laebe do in noosa om einiges besser!!:)

pfuuset hemmer imene backpacker, dete heds fasch nome settig wo am omereise send. ueses zemmer esch also raecht pfui gsi, aber mer het jo au ned zvell doeffe erwarte... s schlemmschti send d better gsi, die send halbe usenandgheit wenn d leitere durufgchraxlet besch...ech han obe pennt bemene doppelstoeckige bett, ond die aenglaenderin wo onne pennt hed esch es raechts fass gsi ond nach mer is bett... heiiiiiii ha gmeint d erde bebt gschnell. :D

womer am samschtig in usgang send hani no es raecht loschtigs erlaebnis gha... mer send ide down under bar gsi, wo grad onne enne a uesem backpacker gsi esch. de semmer dete so am plauderle ond de lauft sonen typ dore ond ech daenke so gooopf ergendwie hani da gsecht ide schwiiz au scho gseh. aber meine, mer send do am andere aendi vode waelt ond i dem moment inere millionestadt i ergend eme pub enne gsi. mer hed denn emol afo schwafle...(ben ebe zersch voll ned secher gsi oeb ers esch, weli en scho laenger noemme gseh han)....jo wo er denn de name gseit hed hani kei zwiifel meh gha! tja...d waelt esch ergendwie doch mega chli...:)

sodeli, do hani ez e paar schnappschoess vo brisbane...

halloeoeoele

so mini chende, was lauft so ide schwiiz? hoeckle do grad i eim vo dene chiller internet cafes zmezt in noosa. huch... schoweder en woche verbii. esch abartig...
merkes feng rechtig wie i mi langsam aber secher im aussie lifestyle apasse. no worries, alles schoen gmuetli ond easy;)
morn hemmer scho weder schuel ond han no kei husi gmacht, no ned woerkli dezue cho a dem ahstraengende weekend :D ... jaejo chond scho guet.
uiuiuiuiuiui s net cafi schluesst i fuef minute...
also noechschtmol geds de en usfuehrlechere brecht...vo mine erschte surfversuech usw usw. :)

see yaaaa

usgang, australia zoo & so

ide koala...:)







de esch mega kuschlig gsi...;)

sonneontergang vo mim zemmer us...

dretti woche...

hey ehr...
huch bes ich jez all die fotis do ine gfuschtet han! seeehr muehsami sach gsi, gaege schloss heds mi feng agschesse. d darstellig esch defoer ez ned so schoen aber egal!;)
jo... ben jez scho die drett woche do, d ziit esch nor so am verbiifaetze! die letscht woche esch no cool gsi, vorallem de usgang am fritig!! haend e paar aussies koenneglehrt ond send de met dene nochli omd hueser zottlet ond heitroolet. ond am sonntig obig frogt mi doch glatt s gastmami oebi echli es 'hang over' gha han am samschtig morge. ha glaub ned so vell farb im gsecht gha dete :D hehe
am maendig esch no en noii id advanced klass cho, aso ned i mini klass...ged jo zwe. hed sech usegstellt dass sie i mini paraklass esch ade kanti z wohle, raecht krass! han si aber noni koennt...mini kanti-ziit esch ja au ned grad woerkli lang gsi.
hmm jo was geds no so nois... es esch langsam alles echli alltag do foer mech! raecht lang pfuesele...uf die nueni mol gmuetlech id schuel...die goht emmer bes am zwoi, ossert am maendig bes am drue ond am fritig nomi frei. nach de schuel goemmer meistens ad beach, vorallem jez wos hammer waetter esch...:) oder echli go shoppe! hed diversi surfshops do, das paesslet mer schono!! ergendwenn die noechschte woche gangi denn ines surfkoersli, ha aber so ghoere saege es sig divers schwer en welle z stoh. aber jo, chond scho guet. froi mi emu mega.:)
das weekend gangi met e paar maedels in australia zoo. werd secher au en spass. krokodil go streichle ond so.;)
sodeli, ond do onne hani ez ebe no paar fotis inegschuflet. mage ez noemme chreble. noechscht woche denn weder!:)

liebi gruessli
martina

foootos..!

*wuuahh* ;) sonneontergang ade main beach...




hehe, das esch mis mini-zemmer. esch woerkli raecht eng, aber mer gwoehnt sech dra!:)





ueses dehei am weekend, d koala bar :)




castaways beach...det wo ech wohne...




min homestay...esch halt echli grob umgaeh vo palme, gseht ned grad vel! das obe ade garage esch mis zemmerli.


das sprecht glaubs foer sech!!;)




de briefchaschte laechlet mi jede morge ufem schuelwaeg ah :)





daniela, ech ond meli



main beach...