bruzzelwaetter :)

hi there!

esch weder mol ziit foer es blogiitraegli...
inzwoesche send scho einigi taegli vergange do... es gfallt mer vo tag zo tag besser. ond au metem wetter gseds emmer besser us. die letschte paar taeg semmer emmer ade beach gsi go bruzzle. langsam esch uesi afangs no chaeswiisi schwiizerhuut am ahbruene. hehe
die letscht woche hani jo no zoeglet met minere family. s huus liit jez oeppe 5 min metem bus wiiter weg zur schuel als das vori. defoer esches aber au heimeliger ond hed no en pool ond meh platz. esch aso tiptop dete. gange jez so zemmli emmer metem bus id schuel, nome leider esch de sehr onzueverlaessig. er chond eifach grad denn weder bock hed :) nei, teilwiis escher 10 min zfrueh ond de es anders mol weder vell z spot. brucht chli gloeck om de bus z verwoetsche womer woerkli vorhed. hehe... die luet do naemed halt alles meega easy.

letschte ziischtig semmer ide schuel id klasse ihteilt worde. ech ben jez inere advanced klass glandet...huiii... es esch no es zemmmmli hoechs niveau, muess aso schono raecht gas geh. aber hoffe mol das klappet. afangs semmer alles schwiizer gsi, ossert eine. jez send emmerhin no en japanerin, en pol ond en duetsche dezuecho. :)

sodeli, muess ez scho bald ahtrabe, i paar minute foht d schuel ah.
probiere de noechscht mol es paar foeteli ufezlade...hans noni usegfonde wie da lauft bi dene schuel-pc's... mol guegsle...

also moechets guet!

liebs gruessli
martina

grueessli vo noosa...:)

hey ehr det aene am andere aendi vode waelt:)

ech ben aso vorgeschter frueeh am morge in brisbane glandet... ben abartig kapott gsi, nach ca. 21 stonde flug... esch seeehr komisch gsi, han de samschtig naemli gar ned erlaebt.:)
aber jo, ben de froh gsi woni aentli mol in brisbane gsi ben. am flughafe hani mi zersch mol dor diiiversi luet moesse dorekaempfe ond de typ sueche wo ues uf noosa chauffiert hed. hed dete im empfangsbereich secher 200 so manoeggel metem schild ide haend gha wo gross ond fett naeme droffe gstande send :-)
jajo, wo denn no die zwe andere iitroffe send (au schwiizer) haemer ues de ufe waeg nach noosa gmacht... de chauffeur hed ues denn grad vor de hoette vo uesne gastfamilys abglade.
be aso raecht gspannt gsi uf mini family.... ond au ufs huus...
hm, aso d family esch eigentli ganz ok...esch halt no sehr gwoehnigsbedoerftig am afang, haend scho en sehr onterschiedliche laebensstil als mer dehei. zom bischpel werd s znacht nie am tisch sondern emmer vor de glotze gaesse... ond de fernseh lauft scho am morge am sebni... jaejo ond anderi so komischi sitte! s huus hingaege esch ned grad de hammer, ned sehr gross ond momentan eh voll vergroemplet wellmer die woche no zoegled ines anders huesli. guet muess saege, froi mi raecht uf die noi hoette. de host-dad hed vori grad verzellt es hed dete zwe stoeck (ez hemmer nome eine) ond e pool...! suuuuuper!
hm jo...geschter beni serschte mol id schuel gange. s hed jo gheisse gha do hegis so ca. 30 prozaent schwiizer. hehe.. aber ploetzli heds do nome no so vo schwiizer gwimmlet... hed aber no raecht cooli debi. mer send de nacht de schuel grad serscht mol de dorscht go loesche, i somne irish pub. d iire hend geschter ergend en fiirtig gfiiret ond drom esch i dem pub scho am nomi am drue de tuefel loos gsi!:-)
hoet waerded mer denn in klasse ihteilt. ged glaubs zwe first ond zwe advandced klasse. ha ergendwie ned so de iidrock dasis id advanced klass schaffe. esch no raecht schwere ihstufigstest gsi. aber mol luege....
sodeli dasch ez scho en raecht bombastische text vor noeme zwoie taeg australie hehe...
ahjo oebrigens hani im homestay leider kei wireless...chan nome ide schuel is net:( muesi halt demet laebe....
also woensche uech ganz e cooli woche ond maelde mi secher bald weder einisch!

liebs gruessli us noosa
martina